Имбирның дәвалау үзлекләре.
****
Имбир авыртуны да баса, организмнан токсиннар чыгаруга да ярдәм итә. Ул шулай ук холестеринны үзләштерүгә комачаулый, аны организмнан чыгаруны көчәйтә. Имбир тамырын элек-электән үк салкын тиюдән һәм ашказаны бозылганда кулланганнар. Күптән түгел АКШның Джорджия штатында урнашкан университет биологлары шундый ачыш ясаганнар: имбирны көн саен куллану бик файдалы икән.
****
Имбирның составындагы эфир мае да бик файдалы. Аны психика какшау, куркудан, үз-үзеңә ышаныч югалтудан, хәтер начараюдан, күңел төшенкелегеннән, агрессиядән, таяну-хәрәкәтләнү аппараты авырулары, артриттан, атроздан, буыннар катып калганнан кулланалар. Көз-кыш чорларында имбирның эфир маен салкын тию авыруларыннан дәвалану өчен файдаланалар.
****
Имбир - диңгез авыруыннан котылу өчен бер дигән чара. Аны ашказаны һәм эчәк юллары какшаганда, баласызлыктан интеккәндә, көчле баш авыртуыннан, инфаркт кичергәннән соң, чуан чыгудан, астмадан һәм салкын тиюдән дәваланганда да файдаланалар.
